مرّ السّبوع وهذا هو عيدنا عاد
هلل وكبر وافرح اليوم جمعه
وانهض وسبح للذي ماله انداد
سبحانه الخلاق يابدع صنعه
واكثر صلاتك عالنبي خير من جاد
يرد تسليمك وتحظى بشفعه
والوالدين احسن لهم وارض الاولاد
يابخت من كان الرضى دوم طبعه
واذكر محبينك جماعات وافراد
واوصل قريبك واعطه اليوم دفعه
وابذل ولا تبخل بمالك وبالزاد
وابحث عن المحتاج وانفعه نفعه
واقرا وتدبر سورة الكهف وان عاد
حسيت عندك عزم زد جزء وارعه
واختم بما تحفظ من اذكار واوراد
واسكب على ذنبك من العين دمعه
واذكر اخوك اللي كتب هذا الانشاد
وامنحه دعوة غيب من بعد ركعه
هذي أمانه أو سلف مثل الارفاد
دعيت انا لك وقت نظمه وبدعه
يارب من يقراه تذكره باشهاد
وتزيد في الدنيا وفي البعث رفعه
واجعله وانحن معه صادر ووراد
عالحوض نشرب من عواذيب نبعه
يارب انا حبي لهم فيك يزداد
يارب تجمعنا في الخلد جمعه
عندك بمقعد صدق ما فيه حساد
فوق الحرير بسندس يزيد لمعه
وآخر دعانا الحمد لله تنقاد
معنا بكل احوال وتقيد شمعه
واحفظ كلامي واحسبه وعظ وارشاد
لا خير في اللي ما وعظ يوم ربعه
لا تستقل الخير لو بسمة اسناد
في وجه اخيك ولا تقصر بفزعه
واليوم هذا عيد من ضمن الاعياد
له كل سبعه ايام بالخير رجعه
أذكر ترى الله فيه واعدك باوعاد
لا تنسى نفسك م الدعا يوم جمعه .