نصيحة للاقلاع عن التدخين

12-24-2009, 02:37 PM

للاقلاع, التدخين, نصيحة

ياااااا مسااااء الورد والفل والياسمين

التدخين ... التدخين ... التدخين ... طبعا مايخفى عليكم الاضرار القاتلة الناتجة

عن التدخين ... مابين سرطان الرئة وامراض القلب والشرايين وضغط الدم

وضعف حاسة التذوق والشم وفقدان الشهية والعصبية

والقائمة تطول والكل يعرفها ومكتوبة كمان على علبة الدخان نفسها

وكثير من المدخنين يحاولوا انهم يقلعوا عن التدخين

وانا اليوم بقدم 13 نصيحة لكل مدخن ومدخنة واتمنى انها تساعد على الاقلاع

اعرف ليش ودك تبطل تدخين ؟؟!

مثلا تبطل عشان تبغى شكلك يصير أصغر من سنك وتبغى تحس انك رجعت

كم سنة ورا

ايا كان ... انت تعرف نفسك اختار

السبب اللي تحس انه قوووي وبيساعدك

انك ماتتراجع عن قرارك البطل

لاتتخذ قرارك فجأة و بكل برود !

يعني والله قمت اليوم وطالعت بعلبة السجاير ووقلت لنفسك والله انا اليوم

خلاص ماعاد بدخن ... وتمسك علبة

الدخان وترميها وياعيني خلاص اقلعت

غلط

جرب بــــــــدائل النيكوتين

لمن تبطل تدخين راح تظهر أعراض انسحاب النيكوتين من الجسم

ممكن تصاب بالاكتئاب والاحباط والعصبية والقلق .

والرغبـــــة الشديدة بسيجارة وقولة " بس سيجارة وحدة" راح تسبب قلق

عشان كذا الدراسات اقترحت بدائل تساعد على تقليل الرغبة الملحة

للسيجارة مثل علكة النيكوتين واللصقات والاشياء هذه اثبتت فعاليتها كما

اثبتت انها تضاعف الفرص للاقلاع بنجاح .

بس عاد مو تدخن وتاكل علكة نيكوتين والا تدخن وتحط لصقة

ماراح

يفيد ... اقولك من الحين

اسأل طبيبك عن العلاج بالأدوية

اذا تبغى تبطل التدخين وتقلل من اعراض الانسحاب من غير ماتستخدم

منتجات النيكوتين اللي تكلمنا عنها دوبنا ممكن تسأل الطبيب المختص

يوصف لك حبوب تقلل الاعراض هذه بأنها تغير في الاجزاء اللي تأثرت

بالنيكوتين بالمخ .

وهذا التغيير حتى ممكن يخليك ماتشتهي السجاير اصلا او ماعاد تحس انها

تشبع رغبتك مثل زمان.

وفي أدوية ممكن تقلل من الاكتئاب وعدم القدرة على التركيز اللي ممكن

يصاحب الاقلاع .

لا تقلع عن التدخين لحالك

اعطي خبر للناس اللي حولك ... اهلك ... اصحابك ... زملائك بالعمل انك

تحاول تقلع عن التدخين عشان مايجي احد فالح على باله يسوي فيك خير

يعزم عليك بسيجارة وانت ذوقا ماتقدر ترده ونرجع للطير ياللي

وبنفس الوقت تشجيعهم ودعمهم لك راح يساعد اكثر مما تتصور .

وفي عيادات مكافحة التدخين عندهم علاج نفسي , لا منت مجنون ... بس

انهم ينظموا قروبات من اشخاص مثلك وكل واحد يتكلم عن الاسباب اللي

خلته يدخن .. الصعوبات اللي يواجهها اثناء الاقلاع ... والتكلم مع ناس يمروا

بنفس التجربة مفيد جدا .

تجنب القلق والضغوط

واحد من الاسباب اللي تخلي الشخص يدخن هو ان النيكوتين يساعدهم

على الاسترخاء " او يتخيلوا انه يساعد "

فأول ماتقرر تترك التدخين حاول تلاقي طريقة ثانية تساعدك على الاسترخاء

مثلا سباحة ... مساج ... قراءة ... موسيقى اي شي تحسه يريحك سويه .

وحاول قد ماتقدر تبعد عن اي شي ممكن يعصبك في الاسابيع الاولى .

تجنب مثيرات التدخين

يعني مثلا انت متعود تشرب لك سيجارة مع القهوة كل يوم ... بطل القهوة

مو طووووووول عمرك ... بس بالفترة الاولى

استبدلها بشاي لأنك لو شربت القهوة راح تشتاق للسيجارة وغالبا راح تضعف

اذا كنت مثلا متعود تشرب السيجارة بعد الوجبات شوف شي ثاني تسويه ...

مثلا فرش اسنانك او امضغ علك اي شي الا اللي ماتتسمى

التنظيــــــــــــــــــــــــــف

خلاص قررت تترك واقتنعت وكل شي ... الحين يلا ننظف

ارمي كلللللل الطفايات والولاعات وكنس الارض ومسحها واغسل كللللللل

ملابسك اللي فيها ريحة دخان وعطر الغرفة وبخرها

لاتخلي اي شي يذكرك بال د خ ا ن

ولاتنادوا الشغالات كل واحد ينظف الحوسة حقته عشان تحس بالانجاز

كـــــــــــــرر المحاولة

لاتستسلم اول ماتفشل ... نسبة كبيرة جدا من المدخنين يفشلوا اول وثاني

وثالث مرة قبل ينجحوا اخيرا في الاقلاع

.

فشلت اول مرة ... شوف ايش اللي اشياء او الظروف اللي سببت الفشل

عشان تتلافاها المرة الجاية وبس تعرف الاسباب وتحلل التجربة حط لك تاريخ

اقلاع جديد وابدأ الى ان تنجح

في الحركة بــــــــــركة

النشاط البدني يساااااااعد كثير على الاقلاع عن التدخين ... اول ماتحس انك

ودك بسيجارة على طوووول حاول تسوي شي مثلا تطلع تمشي ... ترتب

دولابك بس لايتكون مخبي فيه سيجارة هنا والا هنا

منها راح تشغل نفسك عن التدخين ومنها راح تخسر كم كيلو

ولا تحط العقدة بالمنشار وتقول يا اركض بمكان مثل الصورة والا مافي

تناول الخضار والفواكه بكثرة

لا تحاول تسوي ريجيم اثناء الاقلاع لأن الحرمان الزايد راح يعطي نتايج عكسية

لكن حاول تكثر من الخضروات والفواكه والالياف .

وحسب دراسة اجرتها جامعة دوك الامريكية ...اثبتوا ان هذا النوع من الاكل

يخلي طعم الدخان غير مستساغ للمدخن مثل السابق وهذا عز الطلب

اختـــــــــــــار جائزتك

طبعا بالاضافة الى كلللللللل الفوائد الصحية اللي راح تجنيها من ترك التتن

راح تجمع لك كم قرش حلوين ... اشتري فيهم شي لك كمكافأة على انك

شخص بطل وكويس وتركت الدخان

أخر شي ... فكر بالمتعة اللي راح تتمتعها بصحتك

غير المكسب المادي اللي راح تكسبه من ترك التدخين راح تكسب صحة

وفوووووورا

فضغط الدم راح ينخفض و سرعة دقات القلب راح تقل خلال 20 دقيقة من

الاقلاع

وخلال يوم راح ترتفع نسبة الاكسجين بالدم وترجع للمستوى الطبيعي راح

تقل احتمالات الاصابة بأمراض القلب والسرطان وراح تحس بسهولة في

التنفس وراح تتذوق الطعام بشكل افضل وتشم بشكل افضل

في النهاية اتمنى للجميع الصحة والعافية

المصدر: احباب عرب - من قسم: الطب والصحة

kwdpm gghrghu uk hgj]odk hgj]odk

06-10-2010, 02:12 AM

شـكــ وبارك الله فيك ـــرا لك ... لك مني أجمل تحية .

06-10-2010, 02:21 PM

شـكــ وبارك الله فيك ـــرا لك ... لك مني أجمل تحية .

01-29-2012, 11:08 AM

95% من المدخنين اللي يحاولو الاقلاع فجأة وبدون علاج او استشارة يرجع

للتدخين.

والسبب ان التدخين ادمـــــان والمخ يعتمد على النيكوتين اللي عودته عليه

واول مايحس انه اختفى راح تظهر اثار انسحاب النيكوتين من الجسم .

فالتدريج والاستشارة حلوين :d

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فاكهة..و شخصية...و نصيحة ...	ابوطالب	الاكلات الشهيه	1	04-08-2010 03:10 PM

الذين يشاهدون محتوى الموضوع الآن : 1 ( الأعضاء 0 والزوار 1)