ام الناس : والدة احمد تقول قوم ياولد الصبح اذن قوم الصلاة ياود احمد يستيقز من النوم صباح الخير ياحاجه انشاء الله طيبه ام الناس بخير طول ما انت بخير وربا يحقق مراضك وينجح زراعتك واشوف جديدك يقول احمد خالي جه من المكان البمشي ليهوا ده تقول ام الناس حش هسي مطين ربنا يجازي الكان السبب احمد يقول انا ماشي الجامع وبطلع بقادي الزراعه عشنا اشوف الناس ديل عملوا شنو الواحد الايقيف معاهم ام الناس ياود تعال اشرب الشاي وارجع تاني الشفقه في شنو احمد ياحاجه الرزق بحتاج السعي وقيام بدري فيه اجر كثير الشيخ فرح ود تكتوك بقول اصحي بدري وازرع بدري والخال ده لو قام خليهو يجيب الفطور ام الناس خلاص يا احمد امشي ربنا ينور طريقك (يودي احمد صلاة الفجر في جماعة ويصافح جميع المصليين ويشف طريقه الي الزراعة ___ احمد متوسط الطول كثير الشعرواسودا لونه مقرون الحجبين عينه عسليه له شرب كثيف وقليل اللحي مبتور اصبع الاصغر في اليد اليسره مشقق الرجلين خشن اليدين له نبره صوت مميز يعرفها جميع الناس قمحي لون البشره ) احمد السلام عليكم كيف اصبحتوا عمل الزراعه مرهبا بيك يا اهمد نهمدا الله احمد الليله اخر يوم للحصاد دايرين نشتغل عشان نبيع المحصول واي زول يأخذ حقوا عمل الزراعة ايوها بكره نقبض القروش يله ياناس اشتغلوا اشتغلوا ( احمد يعمل مع عمل الزراعه كانه واحد منهم ويضحك مع هذا ويمزح مع ذاك عمر(خال احمد) ياناس الفطور تاكلوا السم هسي ده اشكال بشر يوم القيام يحسبوكم كيف شوف الغبشه والشنه الله ما جاب عقبكم احمد ياخال مالك الليله مفلس ولا شنو (يخرج من وسط الحواش في اتجاه عمر لياخذ الفطور ياااااااخي انت لسه بتشرب عمر انا لو ماشربته بعين في الخلق ده كيف عمل الزراعه ياعمر الله اكبر عليك قول ماشاء الله عمر علي شنو يا زرنق هسي عليك الله في واحد اسموا زرنق هاهاهاهاهاها شوف الادنين تقول امسيسي امشي من قدامي فكيت السكره تتفكك صوميل جسمك (زرنق) الله اكبر عليك احمد يلا ياناس الفطور عمر زرنق اسرع عمر لا لا انا مابفطر مع الكديس ديل بمشي البيت عندي نص من امس ( بعد الفطور ومعهم احمد وعمال الدقاقه يعملوا في حركة داوبة بحيث يعمل عمال الزراعه في بجميع المحصول وعمال الدقاقه في فرز المحصول عن الشوايب حتي الظهر يتوقف العمل عدا عمال الزراعه ويرجع احمد الي البيت وهو مشغول البال في جبيبة القلب وقبل ان يذهب الي البيت يدخل منزل العم خير الله الاطرش احمد السلام عليكم ياناس البيت كيف قيلتوا ام فاطمه حبابك عشره يااحمد حش جواه (تسمع فاطمه صوت احمد وهو كان علي بالها تفكر به تشهف شهق قوية يسمع صداها داخل الغرفه حتي وضعة يدها علي قلبها بطريقه هسترية) ام فاطمه: كيفك يا احمد ما انتهة من الحصاد احمد حمد لله الليل اخر يوم وبكره بمشي السوق ابيع المحصول عشان نحدد العرس فاطمه اااااحمد كيفك احمد بشهق قليلا فاطمه حمد لله كيف اخبارك خير الله الاطرش (والد فاطمه) السلام عليكم كيف يا احمد خلاص حصدته احمد (مزعوا) حمد لله اخر يوم كيف السوق المحصول ما ارتفاع شوية خير الله يازول والله ماشاء الله اليوم السوف غالي الاردب (جوالين) ب ٢٠٠ جنية احمد والله ماشاء الله امس كان الشوال ب٧٥ جنية خير الله الليله خشة عربية كبيره السوق وبعد ده كلوا مانزل السعر احمد بكره بمشي السوق ابيع المحصول خير الله يازول خلي شوية السوق مشي في زياده اديهة ١٥ يوم احمد لا لا ١٠٠ ده كويسه بكره بنتهي منهو كلوا ام فاطمه احمد اقعد فوق ارتاح شوية احمد بمشي البيت شوية وبرجع تاني الحواشه خير الله يازول اقعد شوية انا ذاتي بكره بمشي معاك السوق احمد خلاص بكره نمشي بدري (يخرج من منزل خير الله وينظر الي فاطمه ونظر له من خلف الشباك )

---

v,hdm s,]hkdm fuk,hk (fdk hgpf ,hgl,j vwhwi ) jhgdt uf]hgvplk hgvad] ;lfhgd

احمد (يدخل البيت ويجلس مع ام الناس في الركوبه ومن حوله مجموع من الدجاج و الحمام ) عمر(يجلس في حيره) يا احمد احمد والله يا حاجه خير الله قال الاردب ب ٢٠٠ جنية عمر يااحمد ام الناس خلاص بيع طوالي ياود عمر يا احمد ام عشان ترتح روحتك ده شوية عمر يا احمد احمد انشاء الله العرس بعد ما ابيع المحصول تمشي لي ام فاطمه تحددي يوم العرس عمر يا احمد ام الناس لو قالت امشي هسي بمشي عمر يا احمد احمد لا لا دبعد ما ابيع المحصول عمر يا احمد يا اااحمد يا احمد ام الناس في شنو ياعمر احمد مالك يازول عمر قالت ليك الحمام ديك ادي خالك الجنهين يمشي يشرب بيها احمد (يضحك مع ام الناس ) ده خمسه جنية بس ما تشرب كتير ام الناس تقاطع ما تديهوا خمسه بشرب كتير خالك ده احمد (يذهب الي الزراعة في الضهرية ) احمد(بعد الفجر بالقرب من العربه ) ياعم خير الله اركب قدام يصعد احمد الي السوق) خيرالله في السوق انزل يازول خلي الشوال المحصول ده ما للبيع انزل يازول تحت السماسره السوال ب ٨٠ تسعين ١٠٠ __١١٠ يازول ١١٥ احمد (خارج السراب يفكر في شراء جهاز البيت وينظر الي الاثاثات التجاره يدخلون السوق يجرون خير الله يميا واحمد شمالا الي ان باع المحصول الجوال ١٥٠ جنيه احمد (يخرج حزمه من النقود) امسك ياعم خير الله اشتري كيس الملاح خير الله لا لا لا يازول ملاح شنو احمد والله تشيلها ياعم انا حلفت احمد (بعد الفطور يقول خير الله) انا بمشي اشتري حاجات العرس خير الله يازول حاجات شنو البت ده انا ساكت بديه ليك انا بشتري راجل يازول احمد (يبتسم قليل ويقوم من مكانه) عوض (صديق احمد) يا احمد انا بعرف واحد عند عفش سمح شديد ور خيص احمد ياعوض انا داير اشتري احسن حاجه في السوق وتكون ما دخلة الحلة قبل كده لمياء (بنت خالت عوض تدرس في الجامعة ) السلام عليكم عوض كيف ياحمد العرس بتين عوض الحمد لله اجزتي ولا شنو لمياء ايوه اجزته شهر احمد خلاص ارحكي معنا نشتر العفش من احسن محل هنا لمياء احسن محل هنا المعرض لكن غالي جدا عوض غالي شنو احمد باع المحصول وعند قروش احمد بس يكون ما دخل الحله والقروش مامشكله (تذهب لمياء مع احمد وعوض الي المعرض) صاحب المعرض ( ده اشكال شنو) مرحبا مرحبا تفضلوا لمياء طبعا الزول ده عريس ومحتاجين غرفه احمد الصاله برضوا ليماء الصاله كمان صاحب (ديل عندهم قروش ) تفضلوا شوف الاثاثات الانتم دايرنها ليماء بعد الاخبيار والاتفاق علي الاثاثات ) نحنا دايرين الغرفه ده والصاله ديك بس ما تنسه التخفيض صاحب المعرض هاهاهاها لا مابنسه التخفيض انت اهلنا الغرفه والصله ب ١٠ مليون عوض شنو عععععععشره مليون احمد اصبر يا عوض خالي لمياء تشوف التخفيض كم لمياء الي صاحب العرض با ٩ مليون بس والترحيل عليكم صاحب المعرض مبر

بنات الحله (شايلات الشنطه وبزقرتن) مكه هسي لو عرسني انا ماكان احسن نفيسه اعرس ليك شنو عامله وشك ذي الطوبه بنات الحله بغننا بصوت جميل (شنطوا العجيبه مافي زول بجيبا ) ام فاطمه تزقرت باعل صوتها وتقول مرحب بيكم شرفتنا اتفضلوا والعقبله عندكم يابنات مكه اميين انشاء الله عريس ده احمد كان نتفله من البوره ده نساء الحله ( اجتمعا في الحوش الكبير قبل المغرب ) سعاد والله ماشاء الله شنطه سمحه بس الاسكرتات قصيره مكه يا حاجه ده الموضه (مي) طالبه في الجامعة ترفع في الصابون والمعجوب تنظر الي تاريخ انتهاء الصلاحية وتقول فضل شهرين من انتهاء المده اسراء طالبه ثانوية تقراء في الصناديق وتقول صنع في مصر صنع في سوسيرا صنع في دا مانافع صنع في السودان حاجه زينب ده شنو الشعرية قصيره شديد وشوية والقحم ده قديم والبصل ده مبزر مكي ياحاجه زينب الحاجات ده جابوها من راجلك صاحب الدكان حاجه زينب انا ماقاصده حاجات عرس صفيه قبل شهرين احمد (بعد انتهاء العرض لشنطه التقاء احمد وفاطمه علي شاي المغرب بدعوه من خير الله ا لاطرش ) احمد (يترنح في الكلام ) مشية انا وعم خيرالله وبعنا المحصول الشوال ١٥٠ فاطمه (تحمر خجلا وتقطي وجهه بالطرحه وتلهس جزء منها) ابوي كان معاك احمد هو لو ماعمي كان بعت ب١٥٠ (يصمت قليلا) العفش من اكبر محل في المدينة وكانت لمياء معنا فاطمه (تنظر له كانها مصابه بصدمه كهرباء) لمياء معاك عشان شنو احمد هاهاهاها من هسي بتغيري لمياء ده زي اختي فاطمه لا لا مابغير لكن خايفه يسحروك لي احمد يبتسم مابيسحروني وانتي في قلبي فاطمه (تنظر الي الارض ) احمد شفتي العفش فاطمه لا لا ماشفتو احمد ارحكي اوريكي ليهوا فاطمه يا ناري امشي معك وين بمشي مع البنات بكره خير الله العرسان كيف الاخبار احمد (ده الجابه هسي شنو) مرحب عم خير الله خير الله يجلس وتقوم فاطمه الي الغرفه وهي تنظر الي احمد وتبتسم ) والله التاجر الاخضر لو صبرنا معاهو شوية كان بعنا الشوال ١٧٥ جنيه احمد (الشوال يقع فيك) والله كان حصل ٢٠٠ عديل كده ام فاطمه (تحمل الشاء) مبروك العفش يا احمد احمد (بعد احتساء الشاي) انشاء الله الزواج الخميس الجاي خير الله ابشر بالخير ام فاطمه ايويويويو سكينه يانسوان اي واحده تعمل حاجه خلو الونسه والقرقره ده جزء يمشي يعمل الريحه والجزء التاني يدخن فاطمه حاجه زينب (تصنع الريحه) بنات جيبي النار والمحلب سعاد هبي الطلح ده يا بت خلي تولع الحفره احمد ياشباب الدلاب ده نخطه هنا عشان الهواي يا علي خلي السرير وتعال هنا حرك معانا حاجه زينب يابت زيدي النار ده وقربي الكوره ده هنا سعاد يابنات نادو فاطمه قول ليه الحفره جاهزه سكينه (تتجول في الريحه والحفره) يانسوان ده شنو المحلب ده اسحنوا شوية فاطمه ياخالتي سعاد الشمله ده بتقرص سعاد يابت خالي الكلام الفاضي انتي العروس اقعدي ساكة احمد لا لا ياعوض الستاره خليها تحت اللمبه عشان الضوء ياعلي خالي المسنده وتعالي ارفع الستاره سكينه ده شوية ياسعاد معقول كده دخلي كرعينك يابت والنار ده ميته عديل كده جيبي الطلح يابت زيدي النار ده فاطمه لا لا ياخالت سكينه هي كده حاره وانا ذات قايمه لي اربعه ساعات في الحفره ده سكينه يابت خلي الحركات ده نحن زمان كنا اليوم كله في الحفره اربع ساعات ديل شوية شديد زيدي النار ياسعاد وانا مشه اشو زينب في الريحه احمد (بعد انتهاء من ترتيب البيت) شكرا ليكم ياشباب فاطمه والله خلاص انا اتنجته عديل كده انا قايمه (تقوم من علي الحفره) سعاد يابت اقعدي النار ده زاته شوية اقعد نوديكي لي احمد كده وديك سكينه جاية فاطمه (تجلس بسرعه ) سكينه جات سكينه يا زينب كبي الريحه في القزازه انا م

عوض ياعلي الكشافه ده خطها هنا يامكه جيبي العنقريب الكبير مع البنات علي ياعوض خلي الكلام الكتير وجيب الزردية ود العمده ياعوض الكشافه ده كان تخطاها في الجمبه التانية عشان تعكس الضو علي : ود العمده السلك ده قصيره ود العمده ياعوض الكراسي ده اديها نفضه شوية وشغل المسجل ده ام الناس يا احمد البس الجلبيه البيضه ده وتعال يربطوا ليك الهلال عوض ياعلي الصوت ده ضعيف شديد علي اربط السماعة يازول ارفع الصوت وارح نجيب العريس خلي الحنه تكون بدري عشان تجيب بنات كتار عوض هسي نحن في البنات ولا العريس علي العريس خلاص اختار ونحنا الليله يومنا شباب الحله ابشر ابشر يا عريس احمد (يحمل في يده اليمنه جريده من النخل ) ابشروا ابشروا نفيسه تحنن العريس وتبداء باليد اليمنه وتضحك في الاصبع المبتور سمية (زوجه عم احمد ) تحنن الرجلين شباب الحله في حركة متكرره ذهبا وايابا الي العريس٠ابشر ابشر ابشر عمر (مخمور يجلس في مكان بعيد عن عين الناس ومن حوله مجموعه من الشباب ) مره ياشباب مشيت اشرب لقية واحدي زي يوم السبت وكمان مستهبله قالت لي انته هسي بتقدر تشرب قزازه قلت انا بشرب صفيحه يا بو جعران شباب الحله يازول امسك نفسك واقعد في الكرسي عديل عمر انا ما بقع ياكيش بس انا وقفه وين صح قلت جيبي القزاز شربتها القزازه ده وقلت ليها جيبي لي قزاز تاني يا ابو الجرقن علي ياعوض شوف بت حاج التام بقت قنبله عديك كده عين لها بتقلب كيف ذي مكنة الخياطه عوض الله اكبر عليك علي شوف مني والله دي البعرسه الايكون صدقه بس او عندوا زنب داير يكفر عنهوا ليماء ياشباب مافي واحد داير يرقص عوض والله ياعلي البت ده من مشة الجامعه بقت تتجدع فينا احمد خلاص فكوا الحنه ده جسمي تلاج (زهره) مبروك ياحمد (فجاه انقطع التيار الكهربائي ) احمد (بعد الحنه لعمر) ياخال انت ده شنو البتعمل فيه ده دايمنا سكران ومزعجنا وكما تقطع الكهرباء عشان زهره جات الحله ياعمر يعني نمشي نخلي ليك الحله ده ______ نواصل

ﻋﻤﺮ ﺑﺼﻮﺕ ﻋﺎﻟﻲ ﺍﺳﻜﺖ ﻳﺎ ﺍﺣﻤﺪ ﺍﻧﺖ ﻗﺎﻳﻞ ﺍﻧﺎ ﺑﺸﺮﺏ ﻋﺸﺎﻥ ﺍﺧﺮﺏ ﻟﻴﻚ ﻋﺮﺳﻚ ﻻ ﻻ ﺍﻧﺎ ﺑﺸﺮﺏ ﻋﺸﺎﻥ ﺍﻧﺴﻪ ﺍﺳﻤﻬﺎ ﻭﺷﻜﻠﻬﺎ ﺍﻭ ﺣﺘﻲ ﺭﻳﺤﺘﻬﺎ ﻻﻛﻦ ﺣﺘﻲ ﻓﻲ ﺍﻟﺸﺮﺍﺏ ﺑﺸﻮﻑ ﺻﻮﺭﺗﻬﺎ ﻓﻲ ﺍﻟﻜﺎﺱ ﺑﺴﻤﻊ ﺻﻮﺗﻬﺎ ﻓﻲ ﺍﻟﺤﻠﻖ ﺑﺤﺲ ﺑﻄﻬﻤﻬﺎ ﻛﻨﺖ ﻗﺎﻳﻞ ﺑﻘﺪﺭ ﺍﻧﺴﻬﺎ ﻭﺍﻧﺎ ﺳﻜﺮﺍﻥ ﻻﻛﻦ ﻟﻘﻴﺔ ﺍﻟﺸﺮﺍﺏ ﺑﺠﻴﺒﻬﺎ ﻟﻲ ﺗﺎﻧﻲ ﻭﺑﺮﺿﻮﺍ ﺑﺘﺨﺪﻋﻨﻲ ﺣﺘﻲ ﻓﻲ ﺍﻟﺨﻴﺎﻝ ﺍﻧﺎ ﺷﻴﻒ ﻧﻈﺮﻩ ﺍﻟﻨﺎﺱ ﻟﻲ ﺳﻜﺮﺍﻥ ﻭﺳﺠﻤﺎﻥ ﻭﻣﻘﻄﻊ ﻭﺑﺤﺲ ﺑﺎﻟﻜﻼﻡ ﻛﺎﻧﻬﺎ ﺳﻜﻜﻴﻦ ﺟﻮﻫﺎ ﻗﻠﺒﻲ ﻳﺎﺣﻤﺪ ﻟﻮ ﺳﻜﺮﺍﻥ ﺑﺸﻮﻓﻬﺎ ﻭﻟﻮ ﻭﺍﻋﻲ ﺑﺸﻮﻓﻬﺎ ﻳﻌﻨﻲ ﻓﻲ ﺍﻟﺤﻠﺘﻴﻦ ﺍﻧﺎ ﺍﻟﻀﺎﻳﻊ ﺍﺣﻤﺪ ﻳﺎﺧﺎﻝ ﺧﻼﺹ ﻧﻮﻡ ﺍﻧﺸﺎﺀ ﺍﻟﻠﻪ ﺗﻠﻘﺎﺀ ﺍﻻﺣﺴﻦ ﻣﻨﻬﺎ ﻋﻤﺮ ﻣﺎﻓﻲ ﺍﺣﺴﻦ ﻣﻨﻬﺎ ﺗﻀﺤﻚ ﻭﻗﻠﺒﻬﺎ ﻳﻜﺮﻩ ﺗﺒﻜﻲ ﻭﻗﻠﺒﻬﺎ ﻳﻔﺮﺡ ﺍﻧﺎ ﻓﻲ ﺍﻟﺴﻌﻮﺩﻳﺔ ﺍﺷﻘﺎﺀ ﻭﺍﺗﻌﺬﺏ ﻭﺍﺟﻴﺐ ﻛﻞ ﻣﺎﺗﻄﻠﺒﻪ ﻭﺗﻘﻮﻝ ﺷﻮﻑ ﺍﻟﻐﺒﻲ ﺩﻩ ﻋﺎﻣﻞ ﻓﻴﻪ ﺑﺤﺒﻨﻲ ﻛﺎﻧﺖ ﺑﺘﻤﻨﺎ ﺍﺧﺶ ﺍﻟﻨﺎﺭ ﻋﺸﺎﻥ ﺍﺩﻭﻕ ﺷﻮﻳﻪ ﻣﻦ ﻋﺬﺍﺑﻬﺎ ﻻﻛﻦ ﻫﻲ ﺑﺘﻄﻔﻲ ﺍﻟﻨﺎﺭ ﻋﻤﻠﺖ ﺍﻟﻤﺴﺘﺤﻴﻞ ﻋﺸﺎﻥ ﺍﺳﻌﺪﻫﺎ ﺍﻟﺪﻫﺐ ﺍﻟﻠﺒﺴﻪ ﺩﻩ ﻛﻞ ﻟﻮ ﺣﻘﻲ ﺍﻧﺎ ﺍﻟﻌﺮﺑﻴﺔ ﺍﻟﺠﺎﺕ ﺑﻴﻬﺎ ﺩﻩ ﻣﻦ ﻗﺮﻭﺷﻲ ﻟﻜﻦ ﺍﻟﺪﻧﻴﺎ ﺑﻨﺖ ﻛﻠﺐ ﺗﺤﺐ ﺍﻧﺖ ﻭﺗﻤﺸﻲ ﻟﻐﻴﺮﻙ ﺍﻟﻤﻬﺪﻱ ﻭﺍﻟﺪ ﺍﻟﻌﺮﻳﺲ ﺍﺣﻤﺪ ﺍﻣﺸﻲ ﻳﺎﻭﻟﺪ ﺷﻮﻑ ﺍﻟﻤﻴﺎﻩ ﻭﺟﻴﺐ ﺍﻟﻜﺮﺍﺳﻲ ﺍﻻﻣﺎﻡ ﺑﻌﺪ ﺻﻼﻩ ﺍﻟﺠﻤﻌﻪ ﺍﻟﺸﺎﻫﺪ ﻣﻨﻮ ﻗﻮﻝ ﻳﺎ ﺣﺎﺝ ﺧﻴﺮ ﺍﻟﻠﻪ ﻗﺒﻠﺖ ﺯﻭﺍﺝ ﺍﺣﻤﺪ ﺍﻟﻤﻬﺪﻱ ﻣﻦ ﺍﻧﺒﺘﻲ ﻓﺎﻃﻤﻪ ﻧﺴﺎﺀ ﺍﻟﺤﻠﻪ ﺍﻳﻮ ﻳﻮ ﻳﻮ ﻳﻮ ﻳﻮ ﺷﺒﺎﺏ ﺍﻟﺤﻠﻪ ﺍﻟﻒ ﺍﻟﻒ ﻣﺒﺮﻭﻙ ﻳﺎﻋﺮﻳﺲ ﺍﺣﻤﺪ ﺍﻟﻠﻪ ﻳﺒﺎﺭﻙ ﻓﻴﻜﻢ ﻭﺍﻟﻌﻘﺒﻪ ﻟﻴﻜﻢ ﻋﻮﺽ ﻳﺎﻋﻠﻲ ﺍﻧﺎ ﻣﺸﻲ ﺍﺟﻴﺐ ﺍﻟﻔﻨﺎﻥ ﺍﻧﺖ ﺟﻬﺰ ﻣﻜﺎﻥ ﺍﻟﺤﻔﻠﻪ ﺍﻟﻔﻨﺎﻥ ﻳﻐﻨﻲ) ﻓﻲ ﺍﻟﻠﻴﻠﻪ ﺩﻳﻚ ( ﺑﻨﺎﺕ ﺍﻟﺤﻠﻪ ) ﺗﺘﺤﺮﻙ ﺍﻟﺴﻴﺮﻩ ﻣﻦ ﻣﻨﺰﻝ ﺍﻟﻤﻬﺪﻱ ﺍﻟﻲ ﻣﻨﺰﻝ ﺧﻴﺮ ﺍﻟﻠﻪ ﺛﻢ ﺍﻟﻲ ﻣﻜﺎﻥ ﺍﻟﺤﻔﻞ( ﻋﻤﺮ )ﻳﺮﺗﺪﻱ ﺍﺟﻤﻞ ﺍﻟﺜﻴﺎﺏ ﺑﻞ ﻛﺎﻥ ﻛﺎﻧﻪ ﺍﻟﻌﺮﻳﺲ ﻭﻟﻢ ﻳﺸﺮﺏ ﻫﺬﺍ ﺍﻟﻴﻮﻡ ( ﺍﺑﺸﺮ ﻳﺎﻭﺩ ﺍﺧﺘﻲ ﺯﻫﺮﻩ )ﺗﻨﻈﺮ ﺍﻟﻲ ﻋﻤﺮ ( ﻫﺴﻲ ﻟﻮ ﻋﺮﻑ ﺍﻧﺎ ﺍﻃﻼﻗﺔ ﻭﺍﺧﺪ ﺟﻤﻴﻊ ﺍﻣﻮﺍﻟﻲ ﺣﺘﻲ ﺍﻟﺪﻫﺐ ﺍﻟﻠﺒﺴﻪ ﺩﻩ ﻓﺎﻟﺼﻮﺍ ﻭﺍﻟﻌﺮﺑﻴﺔ ﺩﻩ ﺣﻘﺔ ﺻﺪﻳﻘﺘﻲ ﺍﻧﺎ ﺍﺳﺘﻬﻞ ﺧﺪﻋﺖ ﻋﻤﺮ ﻋﺸﺎﻥ ﺍﻟﻘﺮﻭﺵ ﻭﻫﺴﻲ ﺭﺍﺡ ﻛﻞ ﺷﻲ ﺍﻟﻘﺮﻭﺵ ﻭﻋﻤﺮ ﻭﺳﻤﻌﺘﻲ ﻓﻲ ﺍﻟﺤﻠﻪ ﻛﻞ ﺍﻟﻨﺎﺱ ﺗﻨﻈﺮ ﻟﻲ ﺑﺸﻮﻑ ﻓﻲ ﻋﻴﻨﻬﺎ ﺑﻘﻮﻝ ﺗﺴﻴﺒﻲ ﻋﻤﺮ ﻋﺸﺎﻥ ﻭﺍﺣﺪ ﺍﻛﺒﺮ ﻣﻦ ﺍﺑﻮﻛﻲ ﺗﺴﺮﻗﻲ ﻗﺮﻭﺷﻪ ﺍﻟﺠﺎﺑﻪ ﻣﻦ ﺍﻟﺴﻌﻮﺩﻳﺔ ﺑﻜﺮﻩ ﺍﻟﺨﺒﺮ ﻳﻨﺘﺸﺮ ﺍﻣﺸﻲ ﻭﻳﻦ ﺑﻌﺪ ﺍﻟﺤﺼﻞ ﺩﻩ ﺍﻟﻔﻨﺎﻥ ) ﻓﻲ ﺣﻴﺎﺗﻲ ﻗﺒﻠﻚ ﺍﻧﺖ ﻋﺸﺘﻪ ﻗﺼﻪ ﺣﺐ ﻗﺴﻴﻪ ﻟﻴﺲ ﻣﺎﺯﺍﻟﺖ ﻓﻲ ﻗﻠﺒﻲ ﺯﻛﺮﻳﺘﻲ ﺍﻟﻤﺮﻩ ﺑﻴﻘﻴﺎ( ﻳﺮﻗﺺ ﺟﻤﻴﻊ ﺍﻫﻞ ﺍﻟﺤﻠﻪ ﻛﺒﺎﺭ ﻭﺻﻐﺎﺭ ﺩﺍﺧﻞ ﺍﻟﺪﺍﺋﺮﻩ ﻣﺎﻋﺪﻩ ﺯﻫﺮﻩ ﺗﺠﻠﺲ ﻭﺣﺪﻫﺎ ﺷﺎﺭﺩﻩ ﺍﻟﺰﻫﻦ ﺍﺣﻤﺪ )ﻋﻠﻲ ﺍﻟﻜﻮﺷﻪ( ﺍﻧﺎ ﻣﺎﺑﺼﺪﻕ ﺍﻧﺘﻲ ﺟﻨﺒﻲ ﻭﺍﻟﻨﺎﺱ ﺗﻌﻴﻦ ﻓﻴﻨﺎ ﻓﺎﻃﻤﻪ )ﺗﻨﻈﺮ ﺍﻟﻲ ﻳﺪﻫﺎ( ﺍﻧﺎ ﺑﺮﺿﻮﺍ ﻣﺎ ﻣﺼﺪﻗﻪ ﻋﻮﺽ ﻣﺒﺮﻭﻙ ﻳﺎ ﻋﺮﻳﺲ ﻣﺒﺮﻭﻙ ﻳﺎﻋﺮﻭﺱ ﺍﻟﻔﻨﺎﻥ ) ﺍﻟﻔﺮﺽ ﻓﻲ ﺭﻳﺪﻩ ﺩﻗﺲ ﺑﺠﻲ ﻏﻴﺮﻭﺍ ﺑﻌﻤﻞ ﻣﻘﺺ ( ﺯﻫﺮﻩ ﺍﻟﻔﻨﺎﻥ ﺩﻩ ﻗﺼﺪﻧﻲ ﺍﻧﺎ ﻭﻻ ﺷﻨﻮ ﻋﻤﺮ ﺩﻗﺲ ﺑﺲ ﺩﻩ ﺳﻜﺮﺍﻥ ﻋﺪﻳﻞ ﻛﺪﻩ ﺍﻟﻔﻨﺎﻥ )ﺑﺴﻤﺤﻚ ﻳﺎ ﺣﺒﻴﺒﻲ( ﺯﻫﺮﻩ ﺍﻟﻠﻪ ﻟﻮ ﺳﻤﺤﻨﻲ ﻋﻤﺮ ﻭﺭﺟﻌﻨﺎ ﺗﺎﻧﻲ ﺑﻌﻴﺶ ﺧﺪﻣﻪ ﺗﺤﺖ ﻛﺮﻋﻴﻬﻮﺍ ﺍﺣﻤﺪ)ﻳﺮﻗﺺ ﻓﻲ ﻭﺳﻂ ﺍﻟﺪﺍﺋﺮ ( ﺍﺭﻗﺼﻲ ﻳﺎﻓﺎﻃﻤﻪ ﺩﻩ ﺍﺧﺮ ﺭﻗﺺ ﻟﻴﻜﻲ ﺗﺎﻧﻲ ﺣﻔﻠﻪ ﻣﺎﻓﻲ ﻓﺎﻃﻤﻪ ﺍﻱ ﺣﻔﻠﻪ ﺍﻧﺎ ﻓﻲ ﺍﻟﻨﺺ ﺍﻟﻔﻨﺎﻥ ) ﺑﻨﺎﺕ ﺍﻟﺰﻣﻦ ﻗﻠﺒﻬﻢ ﺟﻮﻩ ﻳﺤﺒﻮﻙ ﻭﺑﺠﻬﺠﻬﻮﻙ ﻭﻳﻔﻜﻮﻙ ﻋﻜﺲ ﺍﻟﻬﻮﺍﺀ( ﺯﻫﺮﻩ) ﺗﺮﻓﻊ ﺣﺎﺟﺒﻪ ﺍﻻﻳﺴﺮ( ﺩﻩ ﻗﺼﺪﻧﻲ ﻋﺪﻳﻞ ﻛﺪﻩ ﻋﻠﻲ )ﻓﻲ ﺍﻟﻤﺴﺮﺡ( ﺑﻬﻨﻲ ﺍﻟﻌﺮﻳﺲ ﻭﺍﻟﻌﺮﻭﺱ ﻭﻧﺘﻤﻨﺎ ﻟﻬﻢ ﺣﻴﺎﺓ ﺯﻭﺟﻴﺔ ﺳﻌﻴﺪﻫﺎ ﺍﻟﻔﻨﺎﻥ ) ﺍﻟﻔﺼﻞ ﺍﻻﺧﻴﺮ( ﺧﻤﺴﻪ ﺳﺘﻪ ﺳﺒﻌﻪ ﻓﺮﺩ ﻫﻼﻻﺑﻲ ﺳﻴﺪ ﺍﻟﺒﻠﺪ ﻭﺍﻟﺒﺎﻗﻲ __ ﺍﻟﺮﺑﻊ _ﺑﻨﺎﺕ ﺍﻟﺤﻠﻪ ﻳﺎ ﺍﺣﻤﺪ ﺗﻌﺎﻟﻲ ﻭﺩﻱ ﺍﻟﻌﺮﻭﺱ ﺍﻟﺒﻴﺖ ﻭﻓﻲ ﺍﻟﻄﺮﻳﻖ ﻳﻐﻨﻨﺎ ﺳﻮ ﻳﺎ ﺳﻮ ﻋﺮﻳﺴﻨﺎ ﻏﺸﻮﺍ ﺳﻜﻴﻨﻪ) ﻓﻲ ﻃﺮﻳﻘﻪ ﺍﻟﻲ ﺻﻼﻩ ﺍﻟﻔﺠﺮ ﺣﻴﺚ ﻛﺎﻧﺖ ﺍﻟﺤﻔﻞ ﻳﺒﺪﺍﺀ ﻣﻦ ﺍﻭﺍﺧﺮ ﺍﻟﻠﻴﻞ ﺍﻟﻲ ﻗﺒﻞ ﺻﻼﻩ ﺍﻟﻔﺠﺮ ( ﺩﻩ ﺷﻨﻮ ﻳﺎﺑﻨﺎﺕ ﺍﻟﺒﺘﻘﻮﻟﻦ ﻓﻴﻬﻮ ﺩﻩ ﺷﻮﻑ ﺍﻟﺒﻨﺎﺕ ﺭﻗﺎﻕ ﻭﺭﻫﺎﻑ ﺯﻱ ﻭﺭﻗﺔ ﺍﻟﻜﺮﺍﺱ ﺍﺣﻤﺪ ﻣﻤﺴﻜﺎ ﺑﻴﺪ ﻓﺎﻃﻤﻪ ﺑﻘﻮﻩ ﺍﻟﻲ ﺑﺎﺏ ﺍﻟﺒﻴﺖ ﻭﻳﺮﺟﻊ ﺍﻟﻲ ﺷﺒﺎﺏ ﺍﻟﺤﻠﻪ _________ ﻧﻮﺍﺻﻞ

ﺍﻡ ﻓﺎﻃﻤﻪ )ﻓﻲ ﻭﺩﺍﻉ ﻓﺎﻃﻤﻪ( ﺧﻠﻲ ﺑﺎﻟﻚ ﻣﻦ ﻋﺮﺳﻚ ﻭﻣﻦ ﻧﻔﺴﻚ ﻋﻮﺽ ﻳﺎﻧﺎﺱ ﺣﺮﻛﻮ ﺍﻟﺰﻣﻦ ﻫﺎﻙ ﻳﺎﻋﺮﻳﺲ ﺍﻟﻘﺴﻴﻤﺔ ﺍﻡ ﺍﻟﻨﺎﺱ ﺭﺑﻨﺎ ﻳﺤﻔﻈﻜﻢ ﻭﻳﺨﻠﻴﻚ ﻳﺎ ﺍﺣﻤﺪ ﺧﺖ ﻋﺮﻭﺳﻚ ﻓﻲ ﻋﻴﻮﻧﻚ ) ﺗﺘﺤﺮﻙ ﺍﻟﻌﺮﺑﻪ ﺍﻟﻲ ﺍﻟﻔﻨﺪﻕ( ﺧﻴﺮ ﺍﻟﻠﻪ ﻳﺎ ﺍﻡ ﻓﺎﻃﻤﻪ ﺧﻼﺹ ﺍﻟﺒﻴﺖ ﺑﻘﺎ ﻓﺎﺽ ﻭﺍﻟﻠﻪ ﻓﺎﻃﻤﻪ ﻛﺎﻧﺖ ﻋﻤﻠﻪ ﻟﻠﺒﻴﺖ ﺩﻩ ﺣﺲ ﺍﻡ ﻓﺎﻃﻤﻪ ﺗﺒﻜﻲ ﻫﻲ ﻓﻲ ﺫﻱ ﻓﺎﻃﻤﻪ ﺧﻴﺮ ﺍﻟﻠﻪ ﻭﺍﻟﻠﻪ ﺍﻟﻌﺮﺱ ﺩﻩ ﻣﺎ ﻛﻠﻔﻨﺎ ﺍﻱ ﺣﺎﺟﻪ ﻫﺴﻲ ﻋﺎﺋﺸﻪ ﺩﻩ ﻟﻮ ﻛﺒﻴﺮﻩ ﺷﻮﻳﺔ ﻛﺎﻥ ﻋﺮﺳﻨﺎ ﻓﻲ ﻳﻮﻡ ﻭﺍﺣﺪ ﺍﻡ ﻓﺎﻃﻤﻪ ﻳﻌﺮﺱ ﺭﻛﺒﻴﻚ ﻗﻮﻡ ﺷﻮﻑ ﻟﻴﻚ ﺷﻐﻠﻪ ﻋﺎﺋﺸﻪ ﺷﻨﻮ ﺍﻟﺒﻌﺮﺳﻮﻫﺎ ﻣﻦ ﻫﺴﻲ ﺷﻮﻑ ﺍﻟﺮﺟﻞ ﻭﺟﺒﺮﻭﺍ ﺍﺣﻤﺪ )ﻋﻠﻲ ﺍﻟﺴﺮﻳﺮ ﻣﻊ ﻓﺎﻃﻤﻪ ﻳﻠﺺ ﺭﺍﺳﻬﻮﺍ ﻣﻊ ﺭﺍﺳﻬﺎ ( ﺍﻧﺖ ﺣﺒﻲ ﻭﺣﻴﺎﺗﻲ ﻭﺭﻭﺣﻲ ﻭﻗﻠﺒﻲ ﺍﻧﺸﺎﺀ ﺍﻟﻠﻪ ﺍﻗﺪﺭ ﺍﺳﻌﺪﻙ ﻋﻮﺽ )ﺑﻌﺪ ﺍﺳﺒﻮﻉ ﺍﻳﺎﻡ ﻓﻲ ﺍﻟﻔﻨﺪﻕ( ﻣﺮﺣﺒﺎ ﺑﺎﻟﻌﺮﺳﺎﻥ ﺍﻡ ﺍﻟﻨﺎﺱ ﺍﻳﻮ ﻳﻮ ﻳﻮ ﻳﻮ ﻳﻮ ﻣﺮﺣﺒﺎ ﺑﻴﻜﻢ ﺍﺣﻤﺪ )ﺑﻌﺪ ﺍﻟﻌﺼﺮ ﻣﻊ ﻋﻮﺽ ﻭﻋﻠﻲ( ﻭﺍﻟﻠﻪ ﺍﻟﻌﺮﺱ ﺩﻩ ﺣﻠﻮ ﺷﺪﻳﺪ ﻟﻮ ﻋﺎﺭﻑ ﻛﺪﻩ ﻣﻦ ﺯﻣﺎﻥ ﻛﺎﻥ ﺍﺗﺰﻭﺟﺘﻪ ﻣﻦ ﺑﺪﺭﻱ ﻣﻜﻪ ﻛﻴﻔﻚ ﻳﺎ ﻋﺮﻭﺱ ﻣﺮﺗﺤﻪ ﻣﺒﺼﻮﺗﻪ ﻣﻦ ﺍﻟﻌﺮﺱ ﻓﺎﻃﻤﻪ) ﺗﻔﻜﺮ ﻓﻲ ﺍﺣﻤﺪ( ﻳﻜﻮﻥ ﻓﺎﺕ ﻭﻳﻦ ﻣﻌﻘﻮﻝ ﺍﻧﺎ ﻣﺸﺘﺎﻗﻪ ﻟﻴﻬﻮ ﻛﺪﻩ ﺩﻩ ﻫﺴﻲ ﻛﺎﻥ ﻣﻌﺎﻳﺔ ﺍﺣﻤﺪ ﻫﺴﻲ ﺍﻣﺸﻪ ﻟﻴﻪ ﺑﻜﻮﻥ ﻣﻌﺎﻫﺎ ﺍﻟﺒﻨﺖ ﻋﻮﺽ ﻳﺎﺍﺣﻤﺪ ﻣﺸﻴﺘﻮ ﺍﻟﻤﺴﺮﺡ ﺍﺣﻤﺪ ﻳﻘﻒ ﺍﻧﺎ ﻣﺸﻲ ﺍﻟﺒﻴﺖ ﻋﻠﻲ ﻳﺎﺯﻭﻝ ﺍﻗﻌﺪ ﻧﺴﻴﺔ ﺍﻟﻨﻈﺮﻩ ﻭﻻ ﺷﻨﻮ ﻓﺎﻃﻤﻪ ) ﻭﺳﻂ ﺍﻟﺒﻨﺎﺕ( ﺍﺣﻤﺪ ﻛﻨﺖ ﻭﻳﻦ ﻣﻜﻪ ﻓﺎﻃﻤﻪ ﻧﺤﻨﺎ ﻣﺸﻴﻦ ﻭﺑﻨﺠﻲ ﺑﻜﺮﻩ ﺍﺣﻤﺪ ﻣﺸﺘﺎﻕ ﻟﻴﻜﻲ ﻳﺎﺣﺒﻴﺒﺘﻲ ﻓﺎﻃﻤﻪ ﻣﻌﻘﻮﻝ ﻳﺎ ﺣﺒﻴﺒﻲ ﻧﺤﻦ ﻗﺒﻞ ﺳﺎﻋﻪ ﻛﻨﺎ ﻣﻊ ﺑﻌﺾ ﺍﺣﻤﺪ )ﻳﻤﺴﻚ ﺑﻴﺪ ﻓﺎﻃﻤﻪ ﻭﻳﺠﻠﺲ ﻣﻌﻬﺎ ﻋﻠﻲ ﺍﻟﺴﺮﻳﺮ ( ﺍﻟﺴﺎﻋﻪ ﺩﻩ ﻣﺮﺓ ﻋﻠﻲ ﻛﺎﻧﻬﺎ ﺳﻨﻪ ﺑﻘﻴﺔ ﻣﺎﺑﻘﺪﺭ ﺍﻓﺎﺭﻗﻚ ﻓﺎﻃﻤﻪ ﻭﺍﻧﺎ ﻓﻲ ﻭﺳﻂ ﺍﻟﺒﻨﺎﺕ ﻛﻨﺘﻪ ﺑﻔﻜﺮ ﻓﻴﻚ ﺧﺸﺖ ﻋﻠﻴﻨﺎ ﻧﻔﻴﺴﻪ ﻗﺎﻝ ﺳﻼﻡ ﻗﻠﺖ ﻟﻴﻪ ﺍﺣﻤﺪ ﻭﺍﻟﺒﻨﺎﺕ ﺿﺤﻜﻦ ﺷﺪﻳﺪ ﺍﺣﻤﺪ ﺍﻧﺎ ﻭﺳﻂ ﻋﻠﻲ ﻭﻋﻮﺽ ﻛﻨﺖ ﺷﻴﻔﻚ ﻭﺳﺎﻣﻊ ﺻﻮﺗﻚ ﻓﺎﻃﻤﻪ ﺍﺣﻤﺪ ﺑﺘﺤﺒﻨﻲ ﻗﻮﻝ ﺑﺼﺮﺍﺣﻪ ﺍﺣﻤﺪ ﻃﺒﻌﺎ ﻻ ﻓﺎﻃﻤﺔ ) ﺗﺴﺤﺐ ﻳﺪﻫﺎ ﻣﻦ ﻳﺪ ﺍﺣﻤﺪ ﻭﺗﻨﻈﺮ ﻟﻪ( ﻗﻠﺖ ﺷﻨﻮ ﻻ ﺷﻨﻮ ﺍﺣﻤﺪ ﻻ ﻣﺎ ﺑﺤﺒﻚ ﻓﺎﻃﻤﻪ ) ﻭﻗﺪ ﻭﻟﺔ ﻭﺟﻬﻪ ﺷﻄﺮ ﺍﻟﺤﺎﺋﻂ ( ﻣﺎ ﺑﺘﺤﺒﻨﻲ ﺍﺣﻤﺪ ﺍﻧﺎ ﻣﺘﻴﻢ ﺑﻜﻲ ﻋﺪﻳﻚ ﻛﺪﻩ ﻣﺮﺣﻠﻪ ﺍﻟﺤﺐ ﺩﻩ ﺍﻧﺎ ﻣﺸﻴﺔ ﻣﻨﻬﺎ ﻣﻦ ﺑﺪﺭﻱ ﻓﺎﻃﻤﻪ ) ﺗﻀﻊ ﻳﺪﻫﺎ ﻋﻠﻲ ﻛﺘﻔﻪ ﺍﺣﻤﺪ ( ﻟﻮ ﻛﺎﻥ ﻛﻠﻤﻪ ﺍﻟﺤﺐ ﺑﺘﻜﻔﻲ ﻛﻨﺎ ﻗﻠﺘﻬﺎ ﻟﻴﻚ ﻗﺪﺭ ﻋﺪﺩ ﺛﻮﺍﻧﻲ ﺍﻟﺪﻧﻴﺎ ﺍﻡ ﺍﻟﻨﺎﺱ ) ﺑﻌﺪ ﺳﻨﻪ ﻣﻦ ﺯﻭﺍﺝ ﺍﺣﻤﺪ( ﺍﻣﺸﻲ ﻟﻌﻮﺽ ﻭﺍﻟﻠﻪ ﻣﺎﻗﺼﺮ ﻣﻌﻚ ﻓﻲ ﻋﺮﺳﻚ ﻭﺍﻟﻠﻴﻞ ﺍﻟﻌﺮﺱ ﺣﻘﻮ ﺍﺣﻤﺪ ﻋﻮﺽ ﻭﺍﻟﻠﻪ ﺯﻭﻝ ﺗﻤﺎﻡ ﻭﺍﻟﻠﻴﻞ ﺍﻧﺸﺎﺀ ﺍﻟﻠﻪ ﺍﻟﺤﻔﻠﻪ ﺑﻘﻮﻡ ﺑﻴﻬﺎ ﺍﻧﺎ ﺍﻡ ﺍﻟﻨﺎﺱ ﺣﻔﻠﻪ ﺑﺮﺍﻫﻪ ﻣﺎ ﺑﺘﻜﻔﻲ ﻭﺩﻱ ﻟﻴﻬﺎ ﺧﺮﻭﻑ ﻣﻌﻚ ﻋﻤﺮ ﻳﺎ ﺍﺣﻤﺪ ﺍﻧﺎ ﺩﺍﻳﺮﻙ ﻓﻲ ﻣﻮﺿﻊ ﺍﺣﻤﺪ ﺍﻧﺸﺎﺀ ﺍﻟﻠﻪ ﺧﻴﺮ ﻋﻤﺮ ﺍﻧﺎ ﺩﺍﻳﺮ ﺍﺗﺰﻭﺍﺝ ﻭﺍﻋﻴﺶ ﺣﻴﺎﺗﻲ ﺍﻡ ﺍﻟﻨﺎﺱ ﻣﺎﺗﻜﻮﻥ ﺩﻩ ﺯﻫﺮﻩ ﺗﺎﻧﻲ ﺍﺣﻤﺪ ﻻ ﻻ ﻻ ﻳﺎﺣﺎﺟﻪ ﺯﻫﺮﻩ ﺗﺎﻧﻲ ﻋﻠﻲ ﺍﻟﻄﻼﻕ ﻟﻮ ﺯﻫﺮﻩ ﺍﻧﺎ ﻣﺎ ﻣﻌﻚ ﻋﻤﺮ ﻳﺎﺯﻭﻝ ﻣﺎ ﺯﻫﺮﻩ ﻧﻔﻴﺴﻪ ﺍﻡ ﺍﻟﻨﺎﺱ ﻭﺍﻟﻠﻪ ﻧﻔﻴﺴﻪ ﺑﺖ ﺗﻤﺎﻡ ﻋﻤﺮ ﺧﻼﺹ ﺍﻣﺸﻲ ﻫﺴﻲ ﺍﺧﺘﺒﻴﻬﺎ ﻟﻲ ﻋﻠﻲ ﺍﻟﺴﻼﻡ ﻋﻠﻴﻜﻢ ﻋﻤﺮ ﻳﺎﺯﻭﻝ ﺍﻟﻠﻴﻞ ﺍﻟﺨﻄﺒﻪ ﺣﻘﺘﻲ ﻋﻠﻲ ﺩﺍﻳﺮ ﻣﻨﻮ ﻳﺎﺯﻭﻝ ﺍﺣﻤﺪ ﻳﺎﻋﻠﻲ ﺗﻌﺎﻝ ﻧﻤﺸﻲ ﻟﻌﻮﺽ ﻋﻮﺽ ﻳﺎﺣﺎﺟﻪ ﺟﻴﺒﻲ ﺍﻟﻔﻄﻮﺭ ﻋﻨﺪﻧﺎ ﺿﻴﻮﻑ ﺍﺣﻤﺪ ﺍﺑﺸﺮ ﻳﺎ ﻋﺮﻳﺲ ﻋﻮﺽ ﺍﻟﻠﻪ ﻳﺒﺮﻙ ﻓﻴﻚ ﻭﺍﻟﻌﻘﺒﻪ ﻟﻴﻚ ﺍﺣﻤﺪ ﻫﺎﻫﺎﻫﺎﻫﺎ ﻳﺎﺯﻭﻝ ﻭﺍﺣﺪ ﺑﺲ ﻟﻤﻴﺎﺀ ﻋﻠﻲ ﺗﻌﺎﻝ ﺷﻴﻞ ﺍﻟﻔﻄﻮﺭ ﻋﻠﻲ ﺍﻟﻠﻴﻠﻪ ﻋﻤﺮ ﺩﺍﻳﺮ ﻳﺨﻄﺐ ﻻﻛﻦ ﻣﺎﻋﺮﻑ ﺩﺍﻳﺮ ﻣﻴﻦ ﺧﻴﺮ ﺍﻟﻠﻪ ) ﺑﻌﺪ ﺍﻟﻌﻘﺪﻩ ﻳﺼﺮﺥ ﺑﺎﻋﻠﻲ ﺻﻮﺕ( ﺩﻩ ﺷﻨﻮ ﻳﺎ ﺍﻭﻟﺪ ﻭﺍﻟﻠﻪ ﻋﻴﺐ ﻋﻜﻴﻠﻢ ﺍﻟﻀﻴﻒ ﺣﺘﻲ ﺍﻻﻥ ﻣﺎ ﺍﺗﻘﺪﻭﺍ ﺍﻟﺼﻮﺍﻧﻲ ﺩﻩ ﻣﺶ ﻭﻳﻦ ﻋﻠﻲ ﻭﺍﻟﻠﻪ ﻣﺮﻗﺖ ﻫﺴﻲ ﻋﺸﺮﻩ ﺻﻮﺍﻧﻲ ﺧﻴﺮ ﺍﻟﻠﻪ )ﻳﺰﺩﺍﺩ ﻏﻀﺒﺎ( ﻳﻌﻨﻲ ﻣﺸﺔ ﻭﻳﻦ ﺍﻻﺭﺽ ﺍﻧﺸﻘﺔ ﺍﻱ ﺻﻨﻴﺔ ﺗﻄﻠﻊ ﻣﻦ ﻫﻨﺎ ﺍﻥ ﺑﻤﺸﻲ ﻣﻌﺎﻫﺎ ﻣﻌﻘﻮﻝ ﺿﻴﻮﻑ ﻣﺎ ﻳﺘﻘﺪﻩ ﺣﺘﻲ ﺍﻻﻥ ﺍﺣﻤﺪ )ﻳﻐﻀﺐ( ﺍﻟﺼﻮﺍﻧﻲ ﺩﻩ ﻣﺸﺔ ﺍﻟﺒﻴﺖ ﺍﻱ ﻭﺍﺣﺪ ﺷﻴﻞ ﺻﻨﻴﺔ ﻭﻣﺶ ﺑﻴﻬﺎ ﺑﻴﺘﻬﻢ ﻭﺍﻟﻠﻪ ﺣﺎﺟﻪ ﺷﻴﻨﻬﺎ _______ ﻧﻮﺍﺻﻞ

ﻓﺎﻃﻤﻪ) ﺑﻌﺪ ﺍﻧﺘﻬﺎﺀ ﺍﻟﻐﺪﺍﺀ ( ﺍﺣﻤﺪ ﻭﺍﻟﻠﻪ ﻣﺸﺘﺎﻗﻪ ﻟﻴﻚ ﺷﺪﻳﺪ ﻣﻌﻘﻮﻝ ﺳﺎﻋﺘﻴﻦ ﻣﺎ ﺍﺷﻮﻓﻚ ﺍﺣﻤﺪ ﺍﻧﺘﻲ ﻓﻲ ﻗﻠﺒﻲ ﺑﺸﻮﻓﻚ ﻛﻞ ﺩﻗﻴﻘﻪ ﺑﺘﻤﺸﻲ ﻣﻌﺎﻩ ﻓﻲ ﺍﻱ ﻣﻜﺎﻥ ﻓﺎﻃﻤﻪ ﺍﺗﻐﺪﺍﺗﻪ ﻳﺎ ﺣﺒﻴﺒﺘﻲ ﻭﻻ ﺍﻣﺸﻲ ﺍﺟﻴﺐ ﻟﻴﻚ ﻏﺪﺍﺀ ﺍﻧﺎ ﻣﺎ ﺍﺗﻐﺪﺍﺓ ﻛﻨﺘﻬﺎ ﻣﻨﺘﻈﺮﺍﻙ ﻓﻲ ﺍﻟﺒﻴﺖ ﻧﺘﻐﺪﺍﺀ ﺳﻮﻩ ﺍﺣﻤﺪ ﻣﻌﻘﻮﻝ ﻣﺎ ﺍﺗﻐﺪﺍﺗﻲ ﻳﺎ ﺣﺒﻴﺒﺘﻲ ﺣﺘﻲ ﻫﺴﻲ ﺍﺭﺣﻜﻲ ﻧﺘﻐﺪﺍﺀ ﺳﻮﻩ ﻓﺎﻃﻤﻪ ﻻ ﻻ ﻣﺎ ﺗﺎﻛﻞ ﺑﻴﺪﻙ ﺍﻧﺎ ﺑﺎﻛﻼﻙ ﻫﺎﻙ ﺍﻟﻠﺤﻤﻪ ﺩﻩ ﺍﺣﻤﺪ ﺍﻗﻴﻔﻲ ﻫﺎﻛﻲ ﺍﻓﺘﺤﻲ ﺧﺸﻤﻚ ﻳﺎ ﺣﻴﺎﺗﻲ ﻓﺎﻃﻤﻪ ﺍﺣﻤﺪ ﺍﻗﻌﺪ ﺍﻧﺖ ﻫﺴﻲ ﺍﻛﻠﺖ ﺷﻨﻮ ﻫﺎﻙ ﺩﻩ ﻋﻠﻴﻚ ﺍﻟﻠﻪ ﺩﻩ ﺑﺲ ﺣﺒﻴﺒﺘﻚ ﺣﺒﻴﺒﺘﻚ ﺍﺣﻤﺪ ﺧﻼﺹ ﺧﻠﻴﻨﻲ ﺍﻣﺶ ﺍﺷﻮﻑ ﺍﻟﺮﺟﻞ ﻓﺎﻃﻤﻪ ﺧﺎﻟﻲ ﺑﺎﻟﻚ ﻋﻠﻲ ﻧﻔﺴﻚ ﻳﺎﻗﻠﺒﻲ ﺍﺣﻤﺪ ﺗﺴﻠﻤﻲ ﻳﺎﺣﺒﻴﻴﺒﺘﻲ ﺧﻼﺹ ﺍﻗﻔﻠﻲ ﺍﻟﺒﺎﺏ ﻓﺎﻃﻤﻪ ﺍﻧﺎ ﺑﻘﻔﻞ ﺑﺲ ﺍﻧﺘﻬﺎ ﺍﻣﺸﻲ ﺍﻭﻝ ﺍﺣﻤﺪ ﺍﻣﺸﻲ ﻛﻴﻒ ﻭﺍﻧﺘﻲ ﻓﻲ ﺍﻟﺒﺎﺏ ﻓﺎﻃﻤﻪ ﺧﻼﺹ ﻧﻘﻔﻠﻮﺍ ﺳﻮﻫﺎ ﺍﻣﺸﻲ ﻳﺎ ﺣﺒﻴﺒﻲ ﺍﺣﻤﺪ ﻭﺍﻟﻠﻪ ﺑﻜﻮﻥ ﻣﺸﺘﺎﻕ ﻟﻴﻚ ﺷﺪﻳﺪ ﻋﻠﻲ ﻳﺎﺷﺒﺎﺏ ﺍﻟﺼﻴﻮﺍﻥ ﻫﻨﺎ ﻋﺸﺎﻥ ﺍﻟﺤﻔﻠﻪ ﻓﻴﻬﺎ ﺗﺼﻮﻳﺮ ﻟﻤﻴﺎﺀ ﻳﺎ ﺍﺣﻤﺪ ﺗﻌﺎﻝ ﺳﻼﻡ ﻋﻠﻲ ﺻﺪﻳﻘﺎﺗﻲ ﻣﻦ ﺍﻟﺠﺎﻣﻌﻪ ﻓﺎﻃﻤﻪ ) ﺗﻨﻈﺮ ﻣﻦ ﺑﻌﻴﺪ ﻭﺗﺠﻠﺲ ﺑﺎﻟﻘﺮﺏ ﻣﻦ ﺯﻫﺮﻩ( ﻟﻤﻴﺎﺀ ﺩﻩ ﻣﺎﻟﻪ ﻣﻊ ﺍﺣﻤﺪ ﺍﺣﻤﺪ ﻣﺮﺣﺐ ﺑﺸﺒﺎﺏ ﺍﻟﺠﺎﻣﻌﻪ ﻳﺴﻼﻡ ﻋﻠﻲ ﺍﻻﻭﻟﻪ ﻭﺍﻟﺜﺎﻧﻴﻪ ﻭﻳﻘﻒ ﻗﻠﻴﻼ ﻣﻊ ﺍﻟﺜﻼﺛﻪ ﻟﻤﻴﺎﺀ ﻃﺒﻌﺎ ﺩﻩ ﺳﻼﻓﻪ ﺍﻧﺖ ﺑﺘﻌﺮﻓﻬﺎ ﻳﺎ ﺍﺣﻤﺪ ﺗﺰﻛﺮ ﻟﻤﺎ ﺑﻴﺘﻨﺎ ﻓﻲ ﺍﻟﺠﺎﻣﻌﻪ ﻛﺎﻧﺖ ﻣﻌﻲ ﺍﺣﻤﺪ ﺳﻼﻓﻪ ﻛﻴﻒ ﺍﺧﺒﺎﺭﻙ ) ﻭﻫﻮ ﻣﻤﺴﻚ ﺑﻴﺪﻫﺎ( ﺯﻣﻦ ﻣﺎ ﺍﻟﺘﻘﻴﻨﺎﺀ ﻳﻌﻨﻲ ﺍﻟﺴﻨﻪ ﺩﻩ ﺧﺮﻳﺠﻪ ﻓﺎﻃﻤﻪ ) ﻣﻊ ﻧﻔﺴﻬﺎ( ﺍﺣﻤﺪ ﻣﺎﺳﻚ ﻳﺪ ﺍﻟﺒﺖ ﺩﻩ ﺣﺘﻲ ﻫﺴﻲ ﻟﻴﻪ ﺗﻜﻮﻥ ﻟﻤﻴﺎﺀ ﺟﻴﺒﻬﺎ ﻟﻴﻪ ﻋﺮﻭﺱ ﻋﺸﺎﻥ ﺍﻧﺎ ﻣﺎﻭﻟﺪﺗﻪ ﺣﺘﻲ ﺍﻻﻥ ﺳﻼﻓﻪ ﺣﻤﺪ ﻟﻠﻪ ﻳﺎ ﺍﺣﻤﺪ ﻭﻣﺒﺮﻭﻙ ﺍﻟﺰﻭﺍﺝ ﺭﻏﻢ ﺍﻧﻬﺎ ﺟﺎﺕ ﻣﺘﺎﺧﺮﻩ ﺍﺣﻤﺪ ﺍﻟﻠﻪ ﻳﺒﺮﻙ ﻓﻴﻚ ﻭﺍﻟﻌﺎﻗﺒﻪ ﻟﻴﻜﻲ ﺑﺲ ﻻﺯﻡ ﺗﻌﺰﻣﻨﻲ ﺳﻼﻓﻪ ﻃﺒﻌﺎ ﺍﻧﺖ ﺍﻭﻝ ﺯﻭﻝ ﻣﻌﺰﻭﻡ ﻭﻓﺎﻃﻤﻪ )ﻣﻊ ﻧﻔﺴﻬﺎ( ﺣﺘﻲ ﻫﺴﻲ ﻣﺎﺳﻚ ﻳﺪﻩ ﺑﻜﻮﻥ ﺣﺪﺩﻩ ﺍﻟﻌﺮﺱ ﺍﺣﻤﺪ ﺍﻧﺸﺎﺀ ﺍﻟﻠﻪ ﺑﺠﻲ ﺍﻧﺎ ﻭﻓﺎﻃﻤﻪ ﻋﻦ ﺍﺫﻧﻜﻢ ﺳﻼﻓﻪ ﺍﺗﻔﻀﻞ ﻳﺎ ﺍﺣﻤﺪ ﻋﻠﻲ ﻳﺎ ﺍﺣﻤﺪ ﺍﻣﺸﻲ ﺟﻴﺐ ﺍﻟﻔﻨﺎﻥ ﻓﺎﻃﻤﻪ )ﺗﺬﻫﺐ ﺍﻟﻲ ﺍﻟﺒﻴﺖ( ﻣﻌﻘﻮﻝ ﺍﺣﻤﺪ ﺑﻌﺪ ﺍﻟﺤﺐ ﺩﻩ ﻛﻠﻪ ﺩﺍﻳﺮ ﻳﺘﺰﻭﺝ ﺗﺎﻧﻲ ﺍﻧﺎ ﻣﻌﻴﺸﻬﻮﺍ ﺍﺣﺴﻦ ﻋﻴﺸﻪ ﻋﻠﻲ ﺍﻟﻜﺸﺎﻓﻪ ﻫﻨﺎ ﻭﺍﻟﻜﻮﺷﻪ ﻫﻨﺎﻙ ﺷﺒﺎﺏ ﺍﻟﺤﻠﻪ ﺍﺑﺸﺮ ﺍﺑﺸﺮ ﻳﺎ ﻋﺮﻳﺲ ﺍﻟﻔﻨﺎﻥ ) ﻳﻐﻨﻲ ﻟﻮ ﺍﻻﻃﺒﺎﺀ ﺍﺗﺠﻤﻌﻮﺍ ﻣﺎ ﺑﻠﻘﻲ ﻟﻠﺮﻳﺪ ﺍﻟﺪﻭﺍﺀ( ﻋﻠﻲ ) ﻳﺪﺧﻞ ﺍﻟﻌﺮﺳﺎﻥ ﺍﻟﻲ ﺍﻟﺤﻔﻠﻪ( ﺍﺑﺸﺮ ﻳﺎ ﻋﺮﻳﺲ ﺍﺣﻤﺪ ﻳﺎ ﻓﺎﻃﻤﻪ ﻳﺎ ﺣﺒﻴﺒﺘﻲ ﻣﺎﻟﻚ ﻣﺎﻣﺸﻪ ﺍﻟﺤﻔﻠﻪ ﻓﺎﻃﻠﻪ ﺍﻟﺒﻨﺖ ﺍﻟﻜﻨﺘﻪ ﻭﺍﻗﻒ ﻣﻌﺎﻩ ﻗﺒﻞ ﺩﻳﻚ ﻣﻨﻮ ﺍﺣﻤﺪ )ﺑﻌﻔﻮﻳﺔ ( ﺍﻟﺒﺖ ﺍﻟﺒﺖ ﺳﻼﻓﻪ ﻗﺼﺪﻙ ﻓﺎﻃﻤﻪ ﻭﻛﻤﺎ ﻋﺎﺭﻑ ﺍﺳﻤﻬﺎ ﺍﻟﻔﻨﺎﻥ ) ﺟﺎﺕ ﺍﻟﻤﻘﺎﺩﻳﺮ ﻣﺎ ﺗﺠﻲ( ﻳﺴﻤﻊ ﺻﻮﺕ ﺭﺻﺎﺹ ﻓﻲ ﻣﻨﺰﻝ ﺍﺣﻤﺪ ﺗﻬﺮﻭﻝ ﺍﻫﻞ ﺍﻟﺤﻠﻪ ﺍﻟﻲ ﻣﻜﺎﻥ ﻣﺼﺎﺩﺭ ﺍﻟﺼﻮﺕ ﺧﻴﺮ ﺍﻟﻠﻪ) ﻳﺪﺧﻞ ﺍﻭﻝ( ﺩﻩ ﺷﻨﻮ ﻳﺎ ﺑﺖ ﻋﻤﻠﺘﻲ ﺷﻨﻮ ﻻ ﺍﻟﻪ ﺍﻻ ﺍﻟﻠﻪ ﻋﻮﺽ ) ﻳﻨﻈﺮ ﺍﻟﻲ ﺍﺣﻤﺪ ﻣﺴﺘﻠﻘﻲ ﻋﻠﻲ ﺍﻻﺭﺽ ﻭﻓﺎﻃﻤﻪ ﺗﺤﻤﻞ ﻓﻲ ﻳﺪﻫﺎ ﻣﺴﺪﺳﺎ( ﻳﻀﺮﺡ ﻻ ﻻ ﻻ ﻻ ) ﺗﻢ ﻧﻘﻞ ﺟﺜﻤﺎﻥ ﺍﺣﻤﺪ ﺍﻟﻲ ﺍﻟﻤﺸﺮﺣﻪ ﻭﺍﺧﺬ ﻓﺎﻃﻤﻪ ﺍﻟﻲ ﻗﺴﻢ ﺍﻟﺸﺮﻃﻪ ﻭﻫﻲ ﺗﺒﻜﻲ ﻭﺗﻘﻮﻝ ﻣﺎ ﻗﺘﻠﺘﻮﺍ ﻣﺎ ﻗﺘﻠﺘﻮﺍ ( ﺍﻟﻘﺎﺿﻲ ﻳﺤﻜﻢ ﺍﻟﻲ ﻓﺎﻃﻤﻪ ﺑﺎﻻﻋﺪﺍﻡ ﺷﻨﻘﺎ ﺣﺘﻲ ﺍﻟﻤﻮﺕ ﺑﻌﺪ ﻭﺿﻊ ﺍﻟﺠﻨﻴﻦ ﻣﻦ ﺑﻄﻨﻬﺎ ﻭﺍﻟﺤﻜﻢ ﻋﻠﻲ ﺯﻫﺮﻩ ﻋﺸﺮﻳﻦ ﻋﺎﻡ ﻣﻦ ﺍﻟﺴﺠﻦ ﻟﺜﺒﺎﺕ ﺗﺤﺮﻳﻀﻬﺎ ﻟﻘﺘﻞ ﺍﺣﻤﺪ ﻭﻭﺟﻮﺩ ﺍﻟﻤﺴﺪﺱ ﺑﺎﺳﻤﻬﺎ _______ ﺷﻜﺮﺍ ﺍﻟﻲ ﺍﻟﻠﻘﺎﺀ ﻓﻲ ﺭﻭﺍﻳﺔ ﺟﺪﻳﺪﻩ عبدالرحمن الرشيد كمبالي 0124423151

شـكــ وبارك الله فيك ـــرا لك ... لك مني أجمل تحية .

مبدع اخوي عبد الرحمن كمبالي
من زمان المنتدى انا بقول ناقص شيئ الان عرفت انو ناقص مولف متمكن مثلك
سعيدين بنواجدك معنا الي الامام
يا خليفة الطيب صالح السوداني